هنعيد علي كل الشهدا في كل عيد

بمناسبة عيد الحب

ياللى سافرتو للسما من غير ما تودعونا
جايين نعيد عليكم ونتمنى تسمعونا
يا شهدائنا يا حبايبنا ..انتو بجد وحشتونا
...عيد الحب عالارض صعب
بعيد عن عيونكم صدقونا

هولع ليكم شمعة ..........وهعيد عليكم
وسامحونى ان نزلت من عينى دمعة..
من شوقى ليكم

اعمل ايه انا كنت بحبكم ..

وفجأة اتحرمت منيكم

سكنتو فى احضان الفادى..
والسما فرحت بيكم

فى العيد دة اجتمعو شهداء العراق ونجع حمادى
وصعدت ارواحهم ذبيحة فدا على يد الاعادى
مش معقولة خلاص كدا القتل اصبح شىء عادى؟
كأن شحنة من جهنم اتفتحت علينا السنة دى

كل عيد حب وانتو فالسما متنهنيين
عيد سعيد وانتو فى احضان يسوع فرحانين
لكن امانة عليكم اذكرونا امام العرش الثمين
لحين ما نلقاكم الآن........ او بعد حين